Бишкек, 20.03.26. /Кабар/. Бүгүн Ош облусунун аймагындагы жалпы 425 мечитте Орозо айт намазы окулду.
Президенттин аймактагы өкүлчүлүгүнөн билдиришкендей, облус башчысы Аманкан Кенжебаев айт намазды "Имам ат-Термизий" борбордук мечитинде окуп, облус тургундарын жана келген конокторду Орозо айт майрамы менен куттуктады.
"Урматтуу Ош облусунун тургундары сиздерди жалпы мусулмандардын ыйык Орозо айт майрамы менен куттуктайм! Эзелтеден бери Рамазан айы тынчтыктын, сабырдуулуктун, ынтымак - ырашкерликтин, кечиримдүүлүктүн айы болуп келген. Отуз күн бою кармаган орозоңуздар кабыл болсун. Жараткан жергебизге тынчтыкты, элибизге ынтымакты жана өлкөбүзгө өсүп-өнүгүүнү тартууласын. Ар бир үй-бүлөдө бакубат жашоо, береке жана жакшылыктар болсун. Орозо айт маарек болсун!", - деди облус жетекчиси
Белгилей кетсек, облустагы бардык мечиттерде айт намазы ийгиликтүү жана тынч өттү.
