Бишкек, 07.10.25. /Кабар/. Ош облустук клиникалык ооруканасы учурда толук капиталдык оңдоп-түзөөдөн өтүүдө.
Курулуш министрлигинен билдиришкендей, оорукана заманбап талаптарга жооп берген үлгүдө жасалып, жылытуу системасы жана инженердик тармактар толугу менен алмаштырылып, фасады жаңыланды.
Долбоор республикалык бюджеттин эсебинен каржыланып, оңдоо иштери 2024-жылы башталган. Тендердик баасы 258 млн сомду түзөт.
Белгилей кетсек, оорукана 1976-жылы курулуп пайдаланууга берилген жана андан бери биринчи жолу капиталдык оңдоо иштери жүргүзүлүүдө.
