Бишкек, 09.06.26 /Кабар/. Рыспай Абдыкадыров атындагы Ош облустук филармониясы борбор калаанын көрүүчүлөрүнө алгачкы жолу "Чолпонум" мюзиклин тартуулайт. Бул тууралуу Маданият, маалымат жана жаштар саясаты министрлигинен билдиришти.
Маалыматта белгиленгендей, мюзикл 16-17-июнь күндөрү саат 19:00дө А. Малдыбаев атындагы Кыргыз улуттук академиялык опера жана балет театрынын сахнасында көрсөтүлөт.
Чыгарма Эл артисти Жолболду Алибаевдин 80 жылдык мааракесин белгилөөнүн алкагында уюштурулуп, анын чыгармачылык мурасын даңазалоого арналат.
