Бишкек, 15.09.25. /Кабар/. Ош шаарынын мэриясынын электр унааларын кубаттоочу станциялары ишке берилди. Бул тууралуу муниципалитеттен билдиришти.
Маалыматка ылайык, 20 даана электр унааларын кубаттоочу станция Алымбек датка көчөсүнө орнотулду.
Иш-чарага мэр Жеңишбек Токторбаев, төрага Болот Баетов жана шаардыктар катышты.
Жалпы 30 жабдуу Ош шаарынын мэри Жеңишбек Токторбаевдин тапшырмасынын негизинде алып келинген. Калган 10у калаанын башка аймактарына орнотулат.
Бул станцияларды муниципалдык такси кызматы гана эмес электромобиль айдаган бардык жарандар колдоно алышат.
