Бишкек, 29.01.26. /Кабар/. Ош шаарынын мэри Жеңишбек Токторбаев тиешелүү кызматтардын өкүлдөрү менен биргеликте “Жетиген” жалпы билим берүү мектебине барып, окуу жайда түзүлгөн шарттар менен таанышты.
Муниципалитеттен билдиришкендей, рейддин жүрүшүндө калаа башчысы мектептин ашканасында окуучулар үчүн даярдалган тамак-аштын сапатына нааразычылыгын билдирип, жооптуу тараптарга кемчиликтерди жоюу боюнча тиешелүү чараларды көрүү тапшырмасын берди.
Ошондой эле мэр аталган билим берүү мекемесинин аймагында жайгашкан коммерциялык объекттин курулушунун мыйзамдуулугун текшерүү боюнча тиешелүү кызматтарга тапшырма жүктөдү.
Белгилей кетсек, буга чейин Ош шаарынын мэри билим берүү мекемелерине тиешелүү жерлерди коргоо, ошондой эле мыйзамсыз курулуштарга жол бербөө боюнча көзөмөл күчөтүлөрүн билдирген.
