Бишкек, 21.03.26. /Кабар/. Бүгүн, 21-мартта Ош шаарынын борбордук аянтында Нооруз элдик майрамы чоң салтанат менен белгиленди.
Президенттин аймактагы өкүлчүлүгүнөн билдиришкендей, иш-чарага Жогорку Кеңештин төрагасы Марлен Маматалиев, Ош облусунун башчысы Аманкан Кенжебаев, Ош шаарынын мэри Жанарбек Акаев, ошондой эле шаар тургундары жана коноктор катышты.
Жетекчилер жаздын жана жаңылануунун символу болгон Нооруз майрамы менен элди куттуктап, ынтымак, береке жана тынчтык каалашты.
Майрамдык иш-чара маданият кызматкерлери тарабынан даярдалган театралдаштырылган көрүнүштөр жана кеңири концерттик программа менен улантылды.
