Бишкек, 01.07.26. /Кабар/. Суу ресурстары, айыл чарба жана кайра иштетүү өнөр жайы министрлиги 2026-жылдын оруп-жыйноо өнөктүгүн өз убагында өткөрүү боюнча даярдык иштерин улантууда.
Ведомствонун маалыматына караганда, дыйкан-фермерлер ишти активдүү жүргүзүп жатышат.
Учурда өлкөдө айыл чарба техникаларынын даярдыгы төмөнкүдөй:
- тракторлор — 22 358, анын 94%ы (21 043ү) даяр;
- дан жыйноочу комбайндар — 1 836, анын 78%ы (1 434ү) даяр;
- чөп чапкычтар — 4 298, анын 91%ы (3 934ү) даяр;
- чөп таңгычтар — 3 985, анын 90%ы (3 596сы) даяр;
- трактор чиркегичтери — 8 942, анын 91%ы (8 150сү) даяр.
"Быйыл республика боюнча кылкандуу дан эгиндеринин жалпы аянты 486 миң гектардан ашат. Данды өз убагында оруп алууга жалпысынан 1 822 комбайн тартылып, орточо эсеп менен бир комбайнга 267 гектар айдоо аянты туура келмекчи", — деп айтылат маалыматта.
