Бишкек, 06.08.26. /Кабар/. Эл аралык окумуштуулар тобу Күндүн бетинин деталдуу тартылган сүрөттөрүн алышты. Бул тууралуу Казинформ жазды.
Маалыматка ылайык, жаңы сүрөттөр ысык плазмадагы мурда эң күчтүү күн телескоптору да карай албаган өзгөчө түзүлүштөрдү көрсөтүп берди.
Сүрөттөр АКШнын Улуттук илим фондунун Дэниел К. Иноуе аталышындагы күн телескобу аркылуу алынган. Күндү атайын коргоосуз көрүү кооптуу, ошондуктан байкоолор кесипкөй илимий жабдууларды колдонуу менен жүргүзүлдү.
Сүрөттөр алгач телескоптун мүмкүнчүлүктөрүн текшерүү жана анын жабдууларын тууралоо үчүн тартылган. Маалыматтарды талдап чыккандан кийин, окумуштуулар Күндүн жаркыраган сырткы кабыгынын сүрөттөрүн эң жогорку сапатта тартып алышканын аныкташкан.
Сүрөттөрдү талдоо ар кандай ылдамдыкта кыймылдаган магниттелген плазма агымдарынан келип чыккан толкундарды көрсөттү. Суунун бетинде шамалдан улам толкундар пайда болгондо да ушундай процесс байкалат.
Изилдөөнүн жыйынтыктары Nature журналында жарыяланган.
Күндүн бетин изилдөө окумуштууларга ар түрдүү процесстерди байкоого жардам берет.
