Бишкек, 25.09.25 /Кабар/. Темир жол өтмөктөрүндө жүрүп жаткан оңдоо иштерине байланыштуу Чүй облусунда бир катар каттамдар убактылуу чектелет. Бул тууралуу "Кыргыз темир жолу" ишканасынан билдиришти.
Жабылуучу темир жол өтмөктөр жана айланма жолдор:
- 24-сентябрь, 08:00–17:00 — Вознесеновкадагы темир жол өтмөгү (Кайыңды – Кара-Балта багыты, Центральная көч.) толугу менен жабылат. Айланма жол: Владимирова көчөсү аркылуу уюштурулат.
- 25-сентябрь, 08:00–18:00 — Л. Толстой көчөсүндөгү өтмөктө (Т. Фрунзе көчөсүнүн кесилиши) жол бир тилке гана ачык болот. Айланма жол: Т. Фрунзе, Лущихин, Алыкулов, Л. Толстой, Садыгалиев көчөлөрү аркылуу уюштурулат.
- 26-сентябрь, 08:00–17:00 — Шопоков–Сокулук багытындагы Железнодорожная көчөсүндөгү өтмөк толугу менен жабылат. Айланма жол: Маловодное айылындагы Ленин көчөсү аркылуу жүргүзүлөт.
Ишкана айдоочуларды алдын ала маршруттарын пландап, убактылуу ыңгайсыздыктарга түшүнүү менен мамиле кылууга чакырат.
