Бишкек, 27.10.25. /Кабар/. Экономика жана коммерция министринин орун басары Медербек Туманов Германиянын Бундестагынын депутаты Шлефан Майер жана элчиси Моника Ленхард менен жолугушту.
Ведомстводон маалымдашкандай, жолугушуунун жүрүшүндө тараптар кыргыз-немис экономикалык кызматташтыгынын учурдагы абалы жана келечеги, инвестициялык өнөктөштүктү өнүктүрүү маселелери, ошондой эле "Кыргызстандын улуттук экономика күнү Германияда" аттуу бизнес-форумуна жана ушул жылдын 27-29-ноябрында Берлин шаарында өтө турган 5-бизнес кеңешинин даярдыгын талкуулашты.
Жолугушуу конструктивдүү маанайда өтүп, тараптар эки тараптуу кызматташтыкты мындан ары да чыңдоого даяр экендиктерин билдиришти.
