Бишкек, 19.03.26. /Кабар/. 21-март — Нооруз майрамына карата Манас шаарында кеңири программадагы салтанаттуу иш-чаралар уюштурулат. Бул тууралуу шаардык муниципалитеттен билдиришти.
Майрамдык салтанат эртең мененки саат 10:00дө борбордук "Азаттык" аянтында башталат.
Шаар тургундары жана коноктору үчүн төмөнкүдөй кызыктуу программалар даярдалган:
- Театралдаштырылган оюн-зооктор жана чоң программадагы концерт;
- Кол өнөрчүлөрдүн өзгөчө буюмдары коюлган жарманке;
- Улуттук спорттун түрлөрү боюнча мелдештер;
- Саат 14:00дө Барпы атындагы театрда төкмө акындардын айтышы өтөт.
Кечки программа саат 18:00дө "Азаттык" аянтында майрамдык чоң шоу-концерт менен уланат. Ага белгилүү эстрада жылдыздары катышып, шаардыктарга майрамдык маанай тартуулашат.
Мэрия бардык каалоочуларды жаз майрамын бирге тосууга чакырат.
Белгилей кетсек, бардык иш-чараларга кирүү акысыз.
