Бишкек, 18.03.26. /Кабар/. Бүгүн, 18-мартта Төлөйкөн ат майданында 21-март — Нооруз майрамына карата улуттук спорттук иш-чаралар расмий түрдө башталды. Бул тууралуу Ош облусундагы өкүлчүлүктөн билдиришти.
Маалыматка ылайык, мелдештер көк бөрү оюну менен башталып, ага 10дон ашык команда катышууда.
Ошондой эле улуттук спорттун көк бөрү, ат чабыш, эр эңиш жана салбуурун түрлөрү боюнча таймаштар өткөрүлүүдө.
Белгилей кетсек, оюндардын финалдык баскычы 21-март күнү өтөт.
Спорттук иш-чаранын ачылыш аземине облус жетекчисинин орун басары Талант Арстанкулов, Көк бөрү федерациясынын өкүлдөрү жана тиешелүү жетекчилер катышып, мелдештин катышуучуларына ийгилик каалашты.
