Бишкек, 29.05.25./Кабар/. Бүгүн, 29-майда Жалал-Абад облусунун Ноокен районунун Бүргөндү айылында ӨКМдин бөлүмчөсүнүн жаңы имараты ачылды.
Ведомстводон билдиришкендей, мекеменин курулуш иштери 2024-жылдын октябрь айында башталып, Ноокен райондук өнүктүрүү фонду жана жергиликтүү бюджеттен жалпы 17 млн сом акча каражаты жумшалган.
Белгиленгендей, иш-чарага президенттин Жалал-Абад облусундагы ыйгарым укуктуу өкүлү Тилек Текебаев, ӨКМдин Жалал-Абад облусу боюнча башкармалыгынын башчысы Абдулнасир Закиров жана айыл тургундары катышты.
Облус башчысы Тилек Текебаев айыл аймак жашоочуларын куттуктап, өзгөчө кырдаалдар кызматынын жаңы бөлүмчөсүнүн ачылуусу — жергиликтүү элдин коопсуздугун сактоодо, табигый жана техногендик кырсыктардын алдын алууда жана кесепеттерин жоюуда чоң мааниге ээ экенин белгиледи. Ага катар жарандарды ар түрдүү кырсыктардан сак болууга чакырды.
