Бишкек, 17.06.25. /Кабар/. Быйыл Ноокен районунда 724 электр мамычасы орнотулат. Бул тууралуу Энергетика министрлигинен билдиришти.
Маалыматка ылйык, 5 даана трансформатордун кубаттуулугу жогорулатылып, 6 даана трансформатор жаңы курулары жана 8 даана трансформатордун эскилиги жеткен шкафтарын алмаштыруу каралган.
Ошондой эле 49 даана трансформаторду оңдоо, 396 даана трансформаторду жана 6-10-0,4 кВ чыңалуудагы аба чубалгыларларынын 554 чакырымын техникалык тейлөөдөн өткөрүү пландалган.
Жогоруда аталган жумуштардын баары калкты сапаттуу электр энергиясы менен камсыздоо максатын көздөйт. Жумуштар пландын негизинде жүргүзүлүүдө.
