Бишкек, 01.06.26. /Кабар/. Бүгүн, 1-июнь – Балдарды коргоонун эл аралык күнүнүн алкагында Ноокен районунун Кызыл-Туу айылындагы "Бакыт" балдар бакчасынын жаңы имаратынын ачылды.
Президенттин Жалал-Абад облусундагы өкүлчүлүгүнөн билдиришкендей, салтанаттын жүрүшүндө облус башчысынын орун басары Ислам Увайдуллаев сөз сүйлөп, жалпы жамаатты жана айыл тургундарын жаңы имараттын пайдаланууга берилиши менен куттуктап, мекеме балдардын ар тараптуу өсүп, өнүгүүсү үчүн маанилүү экенин кошумчалады.
Белгилей кетсек, үстүбүздөгү жылдын март айында "Бакыт" балдар бакчасында болгон кырсыктын кесепетинен имарат жабыркаган. Президент Садыр Жапаровдун колдоосу менен республикалык бюджеттен 14 млн 300 миң сом каражат бөлүнүп, кыска мөөнөттө жаңы имарат курулуп бүткөрүлдү.
