Бишкек, 28.10.25 /Кабар/. Ош облусунун Ноокат районундагы Жийде айылында М.Мамытов атындагы орто мектепте капиталдык оңдоо иштери жүрүп жатат.
Курулуш министрлигинен билдиришкендей, оңдоо иштери республикалык бюджеттин эсебинен каржыланууда. Мектептин жалпы аянты 3500 чарчы метрди түзөт.
Бүгүнкү күндө окуу имаратынын ички жасалгалоо жана жылытуу системасын орнотуу иштеринин 90 пайызы бүткөрүлүп, имараттын сырткы иштери уланууда.
Белгилей кетсек, мектеп 1990-жылы курулуп, ири капиталдык оңдоодон биринчи жолу өтүп жатат.
