Бишкек, 15.09.25. /Кабар/. Бүгүн Ноокаттын Көк-Бел айыл өкмөтүнө жаңы суу чачуучу техника тапшырылды. Бул тууралуу президенттин Ош облусундагы өкүлчүлүгүнөн билдиришти.
Техниканын ачкычын президенттин Ош облусундагы өкүлүнүн биринчи орун басары Курбанбек Айтибаев тапшырды.
Суу чачуучу унаанын жалпы баасы 2 млн 450 миң сомду түзүп, ал Ош облустук өнүктүрүү фондунун эсебинен каржыланды.
Аталган техника аймактын инфраструктураны жакшыртуу жана калкка ыңгайлуу шарт түзүү максатында колдонулат.
