Бишкек, 21.05.26. /Кабар/. Ноокат районунун Каранай айылында 225 орундуу жаңы мектеп курулууда.
Курулуш министрлигинен билдиришкендей, объекттин курулушу 2025-жылы башталган. Каржылоо республикалык бюджеттен каралып, долбоордун жалпы наркы 164 млн сомду түзөт.
Башкы планга ылайык, мектеп үч блоктон турган үч кабаттуу имарат болуп курулууда. Анда окуу класстары, ашкана, китепкана, жыйындар залы жана бардык шарттары каралган спорт залы болот. Учурда имараттын ички курулуш-монтаждоо иштери аткарылууда.
Мектептин курулушун жыл аягына чейин аяктоо пландалууда.
