Бишкек, 24.06.25. /Кабар/. Ноокат районуна караштуу Кара-Кой жайлоосуна баруучу Телман – Кара-Кой унаа жолу оңдолуп, учурда жолго асфальт төшөлүүдө.
Президенттин Ош облусундагы өкүлчүлүгүнөн билдиришкендей, бул иштер жергиликтүү тургундарга жана туристтерге ыңгайлуу шарт түзүү максатын көздөйт.
Кара-Кой жайлоосу эс алуу жана экотуризм багытында өзгөчө мааниге ээ. Ошондуктан жол инфраструктурасын жакшыртуу – аймактын социалдык-экономикалык өнүгүүсүнө кошумча түрткү бермекчи.
Жол курулуш иштери тиешелүү тармактык мекемелердин көзөмөлүндө уланууда.
