Бишкек, 15.04.25. /Кабар/. Ноокаттагы маданият үйү 30 жылдан кийин капиталдык оңдоодон өтүүдө. Бул тууралуу Курулуш, архитектура жана турак жай-коммуналдык чарба министрлигинен билдиришти.
Маданият үйүнүн капиталдык курулуш иштери республикалык бюджеттин эсебинен каржыланууда.
Белгилей кетсек, маданият үйү 480 көрүүчүгө ылайыкталып 1990-жылы курулган. Курулгандан бери биринчи жолу капиталдык оңдоп-түзөөдөн өтүүдө. Учурда имараттын ички жана сырткы бөлүктөрү заманбап талаптарга ылайык жасалып жатат.
