Бишкек, 08.08.25. /Кабар/. Ноокаттын Кара-Таш айыл өкмөтүндө Чечме-Сай каналы тазаланууда. Бул тууралуу президенттин Ош облусундагы өкүлчүлүгүнөн билдиришти.
Маалыматка ылайык, каналдын жалпы узундугу 1500 метр. Ишти аткарууга зарыл болгон күйүүчү май облус башчысы Элчибек Жантаев тарабынан бөлүнүп берилген.
Учурда каналдын 350 метри тазаланып, иштер уланууда.
Күн мурун облус жетекчисинин биринчи орун басары Курбанбек Айтибаев жеринде аткарылып жаткан иштер менен таанышты. Ал каналдын айрым тилкелери энсиз экендигин белгилеп, кеңейтүү боюнча тапшырма берди.
Чечме-Сай каналын тазалоо жана кеңейтүү иштери толук бүткөрүлгөндөн кийин аймактагы ирригациялык абал жакшыртылып, дыйкандар үчүн сугат суунун жеткиликтүүлүгү камсыз болот.
