Бишкек, 30.12.25. /Кабар/. Бүгүн Ноокат районунда шаар куруу жана архитектура башкармалыгынын жаңы имараты пайдаланууга берилди. Бул тууралуу президенттин Ош облусундагы өкүлчүлүгүнөн билдиришти.
Үч кабаттуу жаңы имарат заманбап архитектуралык талаптарга ылайык курулуп, керектүү техникалык жабдыктар менен камсыздалган.
Долбоордун жалпы сметалык баасы 59 млн сомду түзүп, Курулуш, архитектура жана турак жай-коммуналдык чарба министрлиги тарабынан каржыланган.
