Бишкек, 24.11.25. /Кабар/. Ноокат районундагы Герейт-Шорон мектебинин курулушу толук бүткөрүлдү, жакында пайдаланууга берилет.
Курулуш, архитектура жана турак жай-коммуналдык чарба министрлигинен билдиришкендей, мектептин курулушу республикалык бюджеттен каржыланып, наркы 74 млн сомду түздү.
Башкы план боюнча мектеп 225 орунга ылайыкталган, эки кабаттуу окуу корпусу жана спорт залы бар.
Мындан тышкары, лаборатория, китепкана, дарыгердин бөлмөсү, компьютердик класс, балдар жана кыздар үчүн эмгек класстары каралган. Объекттин жалпы аянты 1 705 чарчы метрди түзөт.
Курулуш-монтаждоо иштери заманбап талаптардын негизинде Курулуш министрлигинин көзөмөлүндө жүргүзүлдү.
