Бишкек, 27.01.26. /Кабар/. Энергетика министри Таалайбек Ибраев Ноокат районунун Кожо-Арык айылында жаңы 35/10 кВ көмөк чордонун жана 5,6 км аба чубалгысын ачты.
Ведомстводон маалымдашкандай, долбоор II Элдик курултайда көтөрүлгөн маселенин негизинде ишке ашырылды.
Жаңы объект Кулатов айыл өкмөтүнө караштуу Абшыр, Кожо-Арык, Кош-Дөбө жана Баглан айылдарынын 1800дөн ашык абонентин электр энергиясы менен камсыз кылат.
