Бишкек, 23.04.25. /Кабар/. Ош облусунун Ноокат районундагы Көк-Жар айылында А.Сыранов атындагы 275 орундуу жаңы мектептин курулушу уланууда. Бул тууралуу Курулуш министрлиги билдирет.
Мектептин курулушу 2022-жылы башталып, республикалык бюджетинин эсебинен каржыланып келет.
Долбоого ылайык, мектеп эки кабаттуу окуу корпус жана спорт залы менен курулууда. Билим берүү мекемеси заманбап жабдуулар менен толук камсыздалып, окуучулар үчүн ыңгайлуу жана сапаттуу билим алууга шарт түзүлөт.
