Бишкек, 22.07.25. /Кабар/. Күн мурун Ноокат шаарына жаңы заманбап эвакуатор-манипулятор техникасы расмий түрдө тапшырылды. Бул тууралуу президенттин Ош облусундагы өкүлчүлүгүнөн билдиришти.
Иш-чарага президенттин өкүлү Элчибек Жантаев катышып, техниканын ачкычын шаар жетекчилигине тапшырды.
Эвакуатор-манипулятор техниканын жалпы баасы 4 млн 485 миң сомду түзүп, ал Ош облустук өнүктүрүү фондунун каражатынын эсебинен каржыланды.
Аталган техника Ноокат шаарында жол кыймылынын коопсуздугун камсыз кылуу, мыйзамсыз токтотулган унааларды алып чыгуу жана шаардык инфраструктураны жакшыртуу максатында колдонулат.
