Бишкек, 04.06.26. /Кабар/. Манас шаарында жаштардын өнүгүүсүнө жана лидерлик сапаттарын арттырууга багытталган "Демилге" жаштар борбору ачылды.
Президенттин Жалал-Абад облусундагы өкүлчүлүгүнөн билдиришкендей, борбор мамлекеттик жаштар саясатынын алкагында жаштардын демилгелерин колдоого, алардын потенциалын өнүктүрүүгө жана коомдук турмушка активдүү катышуусуна көмөк көрсөтүүгө багытталган.
"Демилге" жаштар борбору Манас шаарынын мэриясы тарабынан БУУнун Өнүктүрүү программасы менен өнөктөштүктө Россиянын каржылык колдоосу аркылуу түзүлгөн.
Долбоор Кыргызстанды 2030-жылга чейин өнүктүрүүнүн Улуттук программасында белгиленген жаштарды өнүктүрүү, аларды жумуш менен камсыз кылуу жана адамдык капиталды чыңдоо боюнча артыкчылыктуу багыттарды ишке ашырууга басым жасайт.
Иш-чарага онлайн катышкан президенттин өкүлү Тилек Текебаев борбор жаштардын билим алуусуна, ишкердик көндүмдөрүн өнүктүрүүгө жана аларды коомдук-экономикалык турмушка активдүү тартууга чоң өбөлгө болорун белгиледи.
