Бишкек, 16.09.26 /Кабар/. Нарын шаарындагы Ленин көчөсүнө 8 даана жаңы жол чырак орнотулду. Бул тууралуу Транспорт министрлиги билдирет.
Ошондой эле жол жээктерине лотокторду коюу улантылып, тротуарларды иретке келтирүү иштери жүрүп, жолдун кириш-чыгыш бөлүктөрүн асфальттоо иштери жүргүзүлүүдө.
Мындан тышкары, мектептердин жана бала бакчалардын аймагындагы жөө адамдар өтүүчү тилкелерге жол чийимдери түшүрүлүп, тиешелүү жол белгилери орнотулууда.
Аткарылып жаткан иштердин негизги максаты – жол кыймылынын коопсуздугун жогорулатып, жөө жүргүнчүлөр үчүн ыңгайлуу жана коопсуз шарт түзүү.
