Бишкек, 27.07.26. /Кабар/. Нарын шаарында кеңейтилип, кайра курулуп жаткан "Ала Тоо" стадионун куруу иштери уланууда. Бул тууралуу муниципалитеттен билдиришти.
Маалыматка ылайык, Нарын шаарынын мэри Жылдызбек Беккелдиев стадиондун айланасындагы соода түйүн ээлерин кабыл алып, аймакташ жайгашкан соода жайларынын айрымдарын алууну, фасаддарын бир типке келтирип иретке келтирүүнү сүйлөшүп, тийиштүү жетекчилерге көзөмөлдөө менен уюштурууну тапшырды.
Белгилей кетсек, Нарын шаарындагы "Ала-Тоо" стадиону толугу менен реконструкцияланып, заманбап 5 миң орундуу спорттук комплекске айланат. Долбоорду даярдоо үчүн шаардык бюджеттин эсебинен 2 млн 300 миң сом бөлүнүп берилген.
