Бишкек, 07.07.25. /Кабар/. Нарын шаарынын мэри Канболот Тутуев Италиянын Градара шаарынын мэри Филиппо Гаспери баштаган делегация менен жолугушту.
Муниципалитеттен билдиришкендей, делегация эки тараптуу кызматташуу менен Нарын шаарына мыкты тажрыйбаларды тартуу максатында Нарын шаарынын мэри тарабынан чакырылган.
Жолугушууда Тутуев шаар тууралуу кери маалыматын берип, учурдагы аткарылып жаткан иштер, келечекке пландалган максаттар менен тааныштырып, Гарадара шаары менен маданий-гуманитардык, туризм, бизнес, билим берүү багыттарында кызматташуу кызыкчылыгы бар экендигин билдирди.
Жолугушуунун алкагында шаар башчылары эки тараптуу достук, кызматташтык келишимине кол коюшуп, журналисттер үчүн маалымат жыйында жергиликтүү жалпыга маалымдоо каражаттарынын өкүлдөрүнүн суроолоруна жооп беришти.
