Бишкек,07.08.25./Кабар/. Саламаттык сактоо министри Эркин Чечейбаев Нарын облусунун Жумгал районундагы Жалпы дарыгерлик практика борборуна барды.
Ведомстводон билдиришкендей, министр борбордун ишмердүүлүгү, ден соолукту чыңдоо кабинети жана Медициналык жардамдын сапатын көзөмөлдөө бөлүмүнүн иши менен таанышып, өзгөчө көңүл кадр тартыштыгы шартындагы мекеменин туруктуу иштөөсүнө бурулду.
Жумгал райондук ЖДПБнын директору Айнура Тентиеванын айтымында, райондо 45 миңден ашуун киши жашайт, алардын 13 миңден ашууну 14 жашка чейинки балдар. Мекеме керектүү медициналык жабдуулар менен камсыздалган, бирок адистердин жетишсиздигинен улам айрым жабдуулар пайдаланылбай турат. Учурда 20 керебеттик терапия бөлүмүн куруу үчүн долбоорлоо-сметалык документтер даярдалууда.
"Заманбап медициналык жабдуулар өз багыты боюнча колдонулуп, чыныгы пайда алып келиши керек. Эгерде алар убактылуу пайдаланылбай жатса, анда аларды бейтаптардын кызыкчылы үчүн эң ылайыктуу жерде колдонулушун шарттаганга аракет кылышыбыз керек", - деди министр Эркин Чечейбаев.
Министр колдонулбай турган техникаларды облустун башка саламаттык сактоо уюмдарына кайра бөлүштүрүү мүмкүнчүлүгүн карап чыгуу тапшырмасын берди. Атап айтканда, 2024-жылдан бери Жумгал ЖДПБсында иштетилбей турган эки гемодиализ аппараты Нарын облустук бириктирилген ооруканасына өткөрүлүп берилет — ал жерде жабдуу менен иштей ала турган адистер бар жана ага болгон муктаждык жогору.
Мындан тышкары, жаш дарыгерлер, ординаторлор жана интерндер үчүн жашоо-шарт маселеси да көтөрүлдү. Жумгал районунун акими Адыбек Набиев менен жолугушууда министр жергиликтүү бийликтин бул маселеге активдүү катышуусунун маанисин белгиледи. 2024-жылы районго беш ординатор жиберилген, бирок алардын бирөө да жашоо-шарттын жоктугунан кетип калган.
Акимдин маалыматына караганда, мурда мамлекеттин балансына кайтарылган имараттын бири оңдолуп, медициналык кызматкерлер үчүн жатаканага ылайыкташтырылат. Бул максатта Өнүктүрүү фондунан 1 миллион сом бөлүнмөй болууда.
