Бишкек, 13.04.26 /Кабар/. Нарын шаарында Нарын дарыясынын жээгинде жайгашкан турак жайларда жашаган жарандарга түшүндүрүү иштери жүргүзүлдү. Бул тууралуу ӨКМден билдиришти.
Маалыматка ылайык, иш-чара коопсуздук чараларын күчөтүү максатын көздөйт. Анын алкагында дарыяга жакын жашаган тургундарга атайын даярдалган эскертүү баракчалары таратылды.
Баракчаларда суу жээгиндеги коопсуз жүрүм-турум эрежелери, өзгөчө жаш балдарды көзөмөлдөө зарылдыгы жана кырсыктардын алдын алуу боюнча сунуштар камтылган.
ӨКМ жарандарды өздөрүнүн жана жакындарынын коопсуздугуна кайдыгер карабоого чакырат.
