Бишкек, 25.04.25. /Кабар/. Ош облусундагы Мырзаке – Кара-Шоро жолу калыбына келтирилип, каттам берилди. Бул тууралуу Транспорт жана коммуникациялар министрлигинен билдиришти.
Бүгүнкү күндө министрликке караштуу "Кыргызавтожол-Түштүк" мамлекеттик ишканасы тарабынан жолдун жээгин бекемдөө, суунун агымын буруу жумуштары жүрүп жатат.
Белгилей кетсек, буга чейин нөшөрлөп жааган жамгырдан улам сел жүрүп, жолдун 49-51-чакырымдар аралыгындагы айрым тилкелерди жууп кеткен.
