Бишкек, 31.05.25. /Кабар/. Бүгүн, 31-майда Бишкекте президент Садыр Жапаровдун катышуусу менен футбол боюнча «Мурас» салттуу достук турнири башталды.
Мелдештин биринчи күнүнүн жыйынтыгы боюнча «Президенттин командасы» «Ден соолук», «Элчилер» жана «Өнөр» командаларын утуп алды. Турнир эртең, 1-июнда, уланат.
Эске сала кетсек, президент Садыр Жапаров Президенттин Администрациясынын кызматкерлери, Министрлер Кабинетинин мүчөлөрү, мамлекеттик органдардын жана ведомстволордун жетекчилеринен турган команданын курамында ойнойт.
