Бишкек, 15.12.25. /Кабар/. Бүгүн, 15-декабрдан тарта Бишкектин Мурас-Ордо конушунан "Ош" базарына чейин жаңы №43 автобус каттамы ишке кирди.
Муниципалитеттен билдиришкендей, каттам конуштун тургундарына ыңгайлуу шарт тузүү максатында иш киргизилип, Исузу үлгүсүндөгү кичиавтобустар тейлейт.
Автобустар Мурас-Ордо – "Ош" базары аралыгында кайсыл көчөлөр менен каттайт?
Ош базар тарапка бара жатканда Манас көчөсү, Почтовый көчөсү, Фрунзе көчөсү, Айланып өтүүчү жол, Юбилейный көчөсү, Ленский көчөсү, Чүй проспектиси менен бара жатып Бейшеналиева көчөсүнө түшөт, ал эми Мурас-Ордого кайтып келе жатканда Москва көчөсү менен Фучик көчөсүнө чыгып, калган маршрутун улантат.
