Бишкек, 13.11.25. /Кабар/. Борбордук шайлоо комиссиясы 12-ноябрда Жогорку Кеңештин депутаттарын мөөнөтүнөн мурда шайлоого дагы 170 эл аралык байкоочуларды аккредитациялады. Бул тууралуу БШКдан билдиришти.
Маалыматка ылайык, БШКнын токтому менен эл аралык байкоочу катары төмөнкү уюмдардын өкүлдөрү аккредитацияланды:
- Болгариянын Борбордук шайлоо комиссиясынын;
- Россиянын Борбордук шайлоо комиссиясынын;
- Беларустун Борбордук шайлоо комиссиясынын;
- Египет Араб Республикасынын Улуттук шайлоо комиссиясынын;
- Ислам кызматташтык уюмунун;
- Кыргызстандагы Кытай элчилигинин;
- Кыргызстандагы АКШ элчилигинин;
- Кыргызстандагы Япониянын элчилигинин;
- Кыргызстандагы Венгриянын элчилигинин;
- Кыргызстандагы Улуу Британиянын элчилигинин;
- ЕККУнун Демократиялык институттар жана адам укуктары боюнча бюросунун;
- КМШнын байкоочулар миссиясынын;
- Түрк тилдүү мамлекеттердин Парламенттик ассамблеясынын;
- ЕККУнун Парламенттик ассамблеясынын;
- КМШнын Парламенттер аралык ассамблеясынын;
- ЖККУнун Парламенттик ассамблеясынын өкүлдөрү.
Ошентип, БШК бүгүнкү күнгө карата жалпысынан 297 эл аралык байкоочуларды аккредитациялады.
