Бишкек, 08.07.25. /Кабар/. Курулуш, архитектура жана турак жай-коммуналдык чарба министри Нурдан Орунтаев Ысык-Көлдүн Бостери айылындагы "Келечек Башаты" атындагы бала бакчанын курулуш иштери менен таанышты.
Ведомстводон маалымдашкандай, бала бакчанын курулушу 2023-жылы башталып, республикалык бюджеттин эсебинен каржыланууда. Тендердик баасы 62,4 млн сомду түзөт.
Долбоор боюнча бала бакча 60 орунга ылайыкталган, жалпы аянты 720 чарчы метрди түзгөн эки кабаттуу имарат. Бүгүнкү күндө курулуш иштери 80 пайызга бүткөрүлдү.
Бала бакчанын курулуш иштерин быйыл жыл аягына чейин бүткөрүү пландалууда.
