Бишкек, 02.09.25 /Кабар/. Бүгүн, 2-сентябрда Л.Толстой көчөсүнүн Асаналиев көчөсүнөн Садырбаев көчөсүнө чейинки бөлүгү унаа кыймылы үчүн ачылды. Бул тууралуу муниципалитеттен билдиришти.
Бул тилкеде төмөнкү иштер аткарылды:
- бордюрлар орнотулду;
- жол белгилери түшүрүлдү жана орнотулду;
- эки катмар асфальт төшөлдү.
Ошондой эле, оңдоп-түзөө иштерине байланыштуу Л.Толстой көчөсүнүн төмөнкү тилкелери убактылуу жабылды:
- Асаналиев көчөсүнөн Бакаева көчөсүнө чейин;
- Садырбаев көчөсүнөн Термечиков көчөсүнө чейин.
"Айдоочуларды жана шаар тургундарын убактылуу ыңгайсыздыктарды эске алып, каттамдарын алдын ала пландап алууну суранабыз",-деп айтылат мэриянын маалыматында.
