Бишкек, 29.05.26. /Кабар/. Бүгүн, 29-майда Ошто Куралдуу күчтөрдүн түзүлгөндүгүнүн 34 жылдыгына арналган салтанаттуу иш-чара өттү. Бул тууралуу президенттин аймактагы өкүлчүлүгүнөн билдиришти.
Иш-чарага президенттин өкүлүнүн биринчи орун басары Мирлан Орозбаев катышты.
Салтанаттуу аземде аскер кызматкерлеринин өлкөнүн коопсуздугун камсыздоодогу орду, мамлекеттин аймактык бүтүндүгүн сактоодогу жоопкерчилиги жана мекенчилдик духту бекемдөөдөгү мааниси өзгөчө белгиленди.
Иш-чаранын жүрүшүндө Орозбаев куттуктоо сөзүн сүйлөп, Куралдуу күчтөрдүн өздүк курамын кесиптик майрамы менен куттуктады.
Ал өз сөзүндө аскер кызматкерлеринин мамлекеттин тынчтыгын, элдин бейпилдигин сактоодогу күжүрмөн эмгегин жогору баалап, өлкөнүн коргонуу жөндөмдүүлүгүн чыңдоого кошкон салымдары үчүн ыраазычылык билдирди. Ошондой эле аскер кызматкерлерине сыйлыктар жана ардак грамоталар тапшырылып, майрамдык концерттик программа тартууланды.
Иш-чара мекенге кызмат кылуунун ыйык милдет экендигин даңазалаган көтөрүңкү маанайда өттү.
