Бишкек, 20.06.25. /Кабар/. Мамлекеттик катчысы Марат Иманкулов 19-июнда К. Карасаев атындагы Бишкек мамлекеттик университетинде “Уңгу жол – заман талабы” аталышындагы китептин бет ачарына катышты.
Окутуучулардын тобу президенттин жарлыгы менен бекитилген Кыргызстандын "Улуттук дух - дүйнөлүк бийиктик" уңгу жолуна арналган "Уңгу жол – заман талабы" китебин даярдашты.
Китеп уңгу жолдун негизги багыттарына арналган 4 бөлүмдөн турат: КР тарыхы, мамлекеттик тил, тарбия маселелери (этнопедагогика), кыргыз философиясынын баалуулуктары, курчап турган чөйрөнү коргоо, кыргыз жаранынын негизги баалуулуктарын сактоо.
