Бишкек, 16.07.25. /Кабар/. "Манас" эл аралык аэропортуна биринчи жолу COMAC C919 жүк ташуучу учагы келип конду. Бул тууралуу "Кыргызстан аэропорттору" ААКтан билдиришти.
Маалыматка ылайык, каттам YTO Airlines авиакомпаниясы тарабынан аткарылды.
"Бул маанилүү кадам Кыргызстандын авиациялык инфраструктурасын өнүктүрүүнүн жаңы этабын белгилеп, Кыргызстан менен Кытайдын ортосундагы эл аралык кызматташтыкты бекемдейт", - деп айтылат маалыматта
Уелгиленгендей, учурда үзгүлтүксүз каттамдардын графиги түзүлүүдө жана жакынкы аралыкта жарыяланат.
COMAC C919 - Кытайдын алдыңкы авиакурулуш концерни тарабынан чыгарылган заманбап жүк ташуучу кууш фузеляждуу реактивдүү учак.
