Бишкек 01.06.25 /Кабар/. Бүгүн, 1-июнь - Балдарды коргоонун эл аралык күнү. Бул күндүн урматына биз сиздерге бир кезде мотурайган бала болгон мамлекеттик кызматкерлердин архивдик сүрөттөрүн сунуштайбыз.
Төмөндө бүгүнкү күндө маанилүү чечимдерди кабыл алып, өлкөнүн тагдырын чечип жаткан инсандардын бала кези:
Саламаттык сактоо министри Эркин Чечейбаев 1974-жылы төрөлгөн. Ал зоопарк ачып, жаныбарларды изилдеп, табият таануучу болууну кыялданчу.
Агартуу министри Догдуркүл Кендирбаева 1961-жылы Ысык-Көл облусунун Оргочор айылында төрөлгөн (сүрөттө оң жакта).
Архитектура, курулуш жана турак жай-коммуналдык чарба министри Нурдан Орунтаев 1988-жылы Нарын облусунун Кочкор районундагы Туз айылында жарык дүйнөгө келген.
Социалдык фонддун төрагасы Бактияр Алиев 1978-жылы Чүй облусунун Москва районундагы Беловодское айылында төрөлгөн.
Эмгек, социалдык камсыздоо жана миграция министри Равшанбек Сабиров Ош облусунун Кара-Суу районундагы Жаңы-Арык айылынан.
Баарыбыз бала болгонбуз!
Бул сүрөттөр - биздин балалык биздин тагдырды калыптандырат экендигин айгинелейт.
Ар бир чоң адам балдардын укугун коргоого, аларга коопсуз, бактылуу жашоо жана жаркын келечек тартуулоого милдеттүү.
Бардык балдарды бүгүнкү майрамы менен куттуктайбыз! Ар бир баланын жашоосу сүйүүгө, мээримге, оюн-күлкүгө жана кубанычка толо болсун!
