Бишкек 25.06.25 /Кабар/. Мамлекеттик камсыздандыруу уюмунун Ош шаарындагы филиалы 24/7 режиминде иш алып барууда. Бул тууралуу уюмдун басма сөз кызматы билдирди.
Маалыматта белгиленгендей, өлкө аймагында ОСАГО милдеттүү камсыздандыруу полиси боюнча мыйзам 1-июлдан тарта күчүнө кирип жаткандыктан, уюм жарандардын полисти алуудагы шарттарын жеңилдетүү жана ыңгайлуу кызмат көрсөтүү максатында өз ишин күчөттү.
Эми Ош шаарында, Рысбай Абдыкадыров көчөсү, 2А дарегинде жайгашкан «Жамбы» бизнес борборундагы МКУнун Ош филиалы жарандарды күнү-түнү, 24/7 режиминде кабыл алат.
Филиал дем алыш жана майрам күндөрү да кызматта болот.
