Бишкек, 02.10.26. /Кабар/. Министрлер кабинетинин төрагасынын орун басары Улан Маматканов Нарын облусуна болгон иш сапарынын алкагында Нарын облустук бириккен ооруканасынын иши менен таанышты.
Саламаттык сактоо министрлигинен билдиришкендей, сапардын жүрүшүндө ал оорукананын материалдык-техникалык базасы, көрсөтүлүп жаткан медициналык кызматтардын сапаты жана бейтаптарды дарылоо үчүн түзүлгөн шарттар менен таанышты.
Мындан тышкары, мекеменин медицина кызматкерлери менен жолугушуу өткөрүлүп, анда дарыгерлердин ишмердиги тууралуу маалыматтар угулуп, актуалдуу маселелер жана сунуштар талкууланды.
