Бишкек, 11.05.26. /Кабар/. Ветеринардык жана фитосанитардык көзөмөл кызматы Өзгөн районундагы "Прогресс" мал базарына мониторинг жүргүздү.
Суу ресурстары, айыл чарба жана кайра иштетүү өнөр жайы министрлигинен билдиришкендей, текшерүүнүн натыйжасында төмөнкүлөр аныкталды:
- базарга алынып келинген мал жандыктарынын 70% кулак биркалары менен камсыздалган.
- малдын 40% – "№1 форма" документи, ал эми 10% – электрондук ветеринардык коштоочу документтер менен келген.
Маалымат үчүн айта кетсек, аталган базарга мал негизинен Алай, Чоң-Алай, Кара-Кулжа райондорунан, ошондой эле Жалал-Абад жана Талас облустарынан жеткирилет. Орточо эсеп менен базарга бир күндө 500дөн ашык бодо мал, 300дөй жылкы жана 900гө чукул кой-эчки чыгарылат.
