Бишкек, 21.08.25. /Кабар/. Кыргызстан боюнча 10 көмөк чордондордо күч трансформаторлору алмаштырылууда. Бул тууралуу Энергетика министрлигинен билдиришти.
Маалыматка ылайык, иштер "Кыргызстан улуттук электр тармагы" ААК тарабынан аткарылууда.
Учурда республика боюнча кубаттуулугу 16 МВА болгон 35 кВ күч трансформаторлору 10 көмөк чордондордо алмаштырылды. Бул энергообъектилеринин кубаттуулугун жогорулатып, электр энергиясы менен камсыздоонун ишенимдүүлүгүн арттырат.
Ошентип, облустар боюнча төмөнкү күч трансформаторлору алмаштырылууда:
- 35/10 кВ «Водоканал» көмөк чордону – Бишкек шаары;
- 35/10 кВ «Достук» көмөк чордону – Чүй облусу;
- 35/10 кВ «Кудайберген» көмөк чордону – Чүй облусу;
- 35/10 кВ «Военно-Антоновка» көмөк чордону – Чүй облусу;
- 35/10 кВ «25 лет Кыргызстан» көмөк чордону – Чүй облусу;
- 35/10 кВ «Южная-1» көмөк чордону – Ысык-Көл облусу;
- 35/10 кВ «Животноводческая» көмөк чордону – Баткен облусу;
- 35/10 кВ «Комсомол» көмөк чордону – Жалал-Абад облусу;
- 35/10 кВ «Речная» көмөк чордону – Ош облусу;
- 35/10 кВ «Ош-7» подстанциясы – Ош облусу.
