Бишкек, 25.02.25. /Кабар/. Өлкө аймагында жүргүнчү жана жүк ташыган унаалар текшерилүүдө. Бул тууралуу Транспорт жана коммуникациялар министрлиги билдирди.
Маалыматка ылайык, Жерде жүрүүчү жана суу транспорту департаменти тарабынан жүргүнчү жана жүк ташуунун талаптары менен белгиленген салмак-габариттик ченемдердин сакталышын камсыздоо максатында текшерүү иштери үзгүлтүксүз жүргүзүлүүдө.
Белгилей кетсек, текшерүү иштери өлкөдөгү транспорттук көзөмөл пункттарында, станциялык курулмаларда, автобустук каттамдардын акыркы аялдамаларында жана мобилдик топтор тарабынан жүргүзүлүүдө.
"Министрлик көзөмөлдү күчөтүү — транспорт мыйзамдарын так сактоо менен коопсуздукту камсыздап, жаңы салынган жолдордун талкаланышын алдын алуу болуп саналарын баса белгилейт. Ошондой эле, ведомство айдоочуларды тартипти бузуудан алыс болууга чакырат",-деп айтылат маалыматта.
