Бишкек, 15.05.25. /Кабар/. Баткен облусунун Лейлек районундагы Мурас айылында жаңы спорткомплекстин курулушу аяктап калды.
Курулуш министрлигинен билдиришкендей, долбоор республикалык бюджеттин эсебинен ишке ашырылууда, курулуш иштери 2024-жылы башталган. Объекттин тендердик баасы 17 млн сомду түзөт.
Долбоорго ылайык, спорт комплекс эки блоктон турат жана заманбап спорттук жабдуулар менен камсыздалат. Бүгүнкү күндө курулуш иштери 80 пайызга аткарылды.
