Бишкек, 07.08.25 /Кабар/. "Лейлек Пласт” муниципалдык менчиктеги полиэтилен түтүк чыгаруучу ишканасы саатына 100 кг продукция өндүрүүдө. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Министрлер кабинетинин төрагасынын орун басары – айыл чарба министри Бакыт Төрөбаев Баткен облусуна болгон жумушчу сапарынын алкагында аталган ишкананын ишмердүүлүгү менен жакындан таанышты.
Ишкананын аянты 500 чарчы метр, Лейлек райондук өнүктүрүү фонду менен жергиликтүү бюджет эсебинен жана жеке ишкердин кошумча өз салымы аркылуу каржыланып, полиэтилен түтүк чыгаруучу станоктор сатып алынып, станоктор орнотулган имарат капиталдык ондоодон өткөрүлгөн.
Ишкана саатына 100 килограмм өндүрө алат. Диаметри 15 мм дан 160мм га чейин түтүктөр чыгарылат.
Бакыт Төрөбаев район жетекчилигине ишканада боло турган маселелерди чечүү жана ар тараптан көмөк көрсөтүп туруу боюнча тапшырмаларды берди.
