Бишкек, 15.08.25. /Кабар/. Лейлек районунун жаңы акими Асылбек Женишбек район активине тааныштырылды. Бул тууралуу президенттин Баткен облусундагы өкүлчүлүгүнөн билдиришти.
Жаңы акимди район активине президенттин Баткен облусундагы өкүлүнүн биринчи орун басары Бактыяр Токсонбаев тааныштырып, жооптуу ишине ийгиликтерди каалады.
Асылбек Жеңишбек 1988-жылы Бишкек шаарында төрөлгөн. Ал буга чейин;
- Улуттук коопсуздук мамлекеттик комитетинде;
- Өнөр жай, энергетика жана жер казынасын пайдалануу мамлекеттик комитетинде;
- Энергетика жана өнөр жай министрлигинде;
- Энергетика министрлиги;
- Жаратылыш ресурстар, экология жана техникалык көзөмөл министрлигинде;
- Жаратылыш ресурстары, экология жана техникалык көзөмөлдөө министрлигинин Кыргыз геологиялык кызматында;
- Жаратылыш ресурстары, экология жана техникалык көзөмөлдөө министрлигинин алдындагы Геология жана жер казынасын пайдалануу департаментинде эмгектенген.
